صمود وتحدى قصيدةللشاعر /عاقل بن صبر

صمود وتحدى
ــــــــــــــــــ

بعد عـدوان عامين اشهدي يا سنيني
ما افلح الخصم مني وان طالت سنينه
خالق الكون حـــاكم عدل بينه وبيني
منتـــقم منصف المظلوم من ظالمينه

ما بقى شي يثنيني و يضعف يقيني
عروة إيمـــــاني الوثقى بربي مكينه
حسبي الله تكفيــني و منهم تقيـني
به رهــاني و ماسگ بالحبــال المتينه

دلني و اهـدني يا ناصري يا معيني
وإشف صـــدري بآيات الكتاب المُبينه
في الميــادين ثبتني وسـدِد يميني
منــگ النصر ياالله و المدد و السكينه

ما تعديت هو سلمان جــاء يعتديني
يُقتــل الشعب باحقاد اليهود الدفينه
هوصنع نكسته بيده وقع في يديني
حرب تنكيل وإستنزاف مافي الخزينه

ثَوّري يا براكيـــني ولا تستكيــني
بعد بعد الرياص اقلع لسلمان عينـــه
لاتصــــالح وانا ماقد تقاضيت ديني
لو بقت حرب طول العمر بيني و بينه

اعرفوا من انا في الحرب ياجاهليني
كيف نستخـــدم الصاروخ ومصنعينه
باندُگ السعووووودي دَگ لاما يليني
والخـــليفه يقع له من مطرنا زنينه

بعد عامين واحنا اقوى من الغازييتي
واليــمن باهلها الابطال قلعه حصينه
عنفوان اليمــاني والصمود الحسيني
يلتهم هيــــــلم الشيطان ومنافقينه

من غزاني يلاقيني اســـد في عريني
مرتقب للفريسه و إقتنـــاص السمينه
صوب الاهداف عيني بندقي في يميني
حاميين الحمِى في البــاديه و المدينه

ما تخليت عن ارضي و عرضي و ديني
مثل من باعها و اصبح للاعــداء رهينه
عزتي و الثقه بالله رافـــــــع جبيني
لعن ابومن رضي بالعيش ناكس جبينه

اصرخي يا قمم نجـران و استقبليني
في مواكب جنووود الله وانصار دينه
والله إني بشوف النصر قدام عيني
وإن ماينجو إلا من ركب في السفينه

والله إني بـ اشوف النصر قُدام عيني
وإن ماينجو إلا من ركب في السفينه
والله إني بـ اشوف النصر قُدام عيني
وإن ماينجو إلا من ركب في السفينه

ـــــــــــــــــــــــــــــــــــــــــــ
زوامل الشاعرالمجاهد / عاقل بن صبر

مقالات ذات صلة